Sunehre Sapne...

Sunehre Sapney...

Nav hai, par so gaya hai navik,
Chhota sa suraakh dikha hai, uth raha hai pani
Dhundhte hue kinara, lagta hai doob jayenge
Dekhe the jo Sunehre Sapney, poore na kar payenge 

Hatho se sehlakar pani ko, kar rahe hain vandana
Ki kuch din aur dede jeene, tairak ban jayenge
Bhiga diya jo aaj, kal jalaakar rakh kar diye jayenge
Dekhe the jo Sunehre Sapney, poore na kar payenge

 

Hai kisi ko intezar humara, kisi ki aas judi hai humse
Waqt rehte unse, apne vaade, unke armaan nibhaenge
Agar nahi pahuch sake un tak aaj, to bewafa ban jayenge
Dekhe the jo Sunehre Sapney, poore na kar payenge

Samundar shaant hai, chhupa hai Suraj baadalo me
Badh raha hai andhera, ankhon wa jeevan mein
Roshni ki talaash mein, kahi gum ho jayenge
Dekhe the jo Sunehre Sapney, poore na kar payenge...

-- Jatin H K Sharma